Zeltkolonie fier eis all 2

Ob am Rollstull oder zu Fouss, dës Kolonie ass grandious! Spillen, bastelen, zelten a sangen, a vill nei Frënn fannen. Am Mariendall ass och dëse Summer eng lass, dofir mell dech séier un a komm mat! Wëlls du eng Woch verbrénge wéi nach ni, da bass du genee richteg op der Zeltkolonie!

Mir hunn op dëser Kolonie 12 Plazen fir Jonker mat Behënnerung. Wann äert Kand eng Behënnerung huet, da schreiwt dat w.e.g. bei d'Umeldung dobäi! Dëst ass wichteg, fir dass mir zesummen mat eisen Animateuren déi richteg Präparativen treffen fir ärem an deenen aneren Kanner en optimalen Oflaf vun der Aktivitéit garantéieren ze kënnen. Zur Präparatioun gehéiert och een obligatorescht Gespréich virun der Kolonie tëscht Elteren an den Campchefen, wou si d'Kand an seng Behënnerung besser kennenléieren. Déi lescht Decisioun ob d'Kand ka matgoen oder net, trëfft den SNJ a Récksproch mat de Campchefen.